6

پاکستان ٹیم ڈراپ کیچز کے ریکارڈ بنانے لگی

لاہور: نیوزی لینڈ سے سیریز میں پاکستان ٹیم ڈراپ کیچز کے ریکارڈ بنانے لگی جب کہ ابھی تک 7بار بولرز کو فیلڈرز کی غفلت کے سبب وکٹ سے محروم رہنا پڑا ہے۔

نیوزی لینڈ سے ٹیسٹ سیریز میں پاکستان نے کیچز ڈراپ کرنے کے ساتھ رن آؤٹس چانسزبھی ضائع کیے، فیلڈ میں کئی اضافی رنز بھی دیے جس کی وجہ سے کیویز کو میچ پر گرفت مضبوط بنانے کا موقع ملتا رہا۔

گذشتہ روز بھی یہی صورتحال دیکھنے میں آئی،مہمان ٹیم نے ابھی تک 7یقینی کیچز ڈراپ کیے ہیں، مشکل مواقع الگ ہیں، 2011کے بعد کسی 2ٹیسٹ میچز کی سیریز میں یہ سب سے بڑی تعداد ہے جس میں اضافے کا خدشہ بھی موجود ہے، اس سال پاکستان نے نیوزی لینڈ سے میچز میں 12، ویسٹ انڈیز کے مقابل10اور بنگلہ دیش سے سیریز میں 9کیچ ڈراپ کردیے تھے۔

اس خبر پر اپنی رائے کا اظہار کریں

اپنا تبصرہ بھیجیں