9

نتائج توقع سے کم تعمیراتی شعبے کی ٹیکس ایمنسٹی اسکیم میں 3 سے 6 ماہ کی توسیع کا فیصلہ

اسلام آباد: وفاقی حکومت تعمیراتی شعبے کو دی جانے والی ٹیکس ایمنسٹی اسکیم میں مزید 3سے 6ماہ کی توسیع پر غور کر رہی ہے جو جمعرات سے ختم ہو رہی ہے۔

اسکیم کے نتائج توقع سے کم رہے،تاحال140 بلین روپے لاگت کے 350 منصوبے اس اسکیم کے تحت رجسٹرڈ ہوئے ہیں،جس کے باعث مذکورہ اسکیم میں توسیع کو زیرغور لایا گیا ہے،وزیراعظم آفس کے ذرائع کے مطابق ٹیکس ایمنسٹی اسکیم میں توسیع کیلیے وزیر اعظم آفس کی جانب سے ایف بی آر کو ہدا یت جاری کی گئی ہے کہ صدارتی آرڈیننس کا مسودہ تیار کیا جائے۔

ذرائع کا کہنا ہے کہ توسیع کی مدت تاحال زیر غور ہے کہ یہ 3ماہ ہونی چاہیے یا 6ماہ تاہم حتمی فیصلے کا انحصار آئی ایم ایف کی جانب سے توسیع کی تجویز کی منظوری پر ہو گا،رواں سال اپریل میں وزیر اعظم عمران خان نے دوسری ٹیکس ایمنسٹی کا اعلان کیا تھا جس میں ذرائع آمدن بتائے بغیر کالے دھن کی تعمیراتی شعبے میں سرمایہ کاری کی اجازت دی گئی تھی، اس میں تعمیراتی شعبے کے ان منصوبوں کو بھی شامل کیا گیا تھا جو ٹیکس ایمنسٹی اسکیم کے اعلان سے قبل زیر تعمیر تھے۔

اس خبر پر اپنی رائے کا اظہار کریں

اپنا تبصرہ بھیجیں