9

وائس ایڈ مرل(ر)سید عارف اللہ حسینی کورونا وائرس کے باعث انتقال کرگئے

کراچی: وائس ایڈ مرل(ریٹائرڈ)سید عارف اللہ حسینی علالت کے باعث خالق حقیقی سے جاملے۔

پاک بحریہ کے وائس ایڈمرل(ریٹائرڈ)عارف اللہ حسینی 59برس کی عمر میں کراچی کے ایک اسپتال میں انتقال کرگئے،وہ گذشتہ دنوں کورونا وائرس کا شکار ہونے کے بعد اسپتال میں زیرعلاج تھے اوروینٹی لیٹر پرتھے۔

عارف اللہ حسینی 23 اپریل سن 1961کو کراچی میں پیدا ہوئے،انھوں نے سن1981ء میں پاک بحریہ میں بطور سب لیفٹیننٹ کمیشن حاصل کیا اور چین، امریکہ اور برطانیہ سے تکنیکی تربیت حاصل کی۔ پاک بحریہ میں پیشہ ورانہ ذمہ داریوں کے دوران انھوں نے پی این ایس ذوالفقار اور پی این ایس طارق پر بہ حیثیت کمانڈنگ آفیسر ذمہ داریاں انجام دیں۔
بعدازاں وہ کمانڈر پاکستان فلیٹ اور کمانڈر کوسٹ کے علاوہ کمانڈر کراچی بھی رہے۔پاکستان نیوی میں اعلیٰ کارکردگی کی بنیاد پر انہیں ہلال امتیاز ملٹری اور تمغہ بسالت بھی عطا کیا گیا تھا۔

اس خبر پر اپنی رائے کا اظہار کریں

اپنا تبصرہ بھیجیں