4

وزیراعظم کا پٹرولیم بحران میں ملوث کمپنیوں کے لائسنس منسوخ کرنے کا عندیہ

اسلام آباد: وزیراعظم عمران خان نے پٹرولیم بحران میں ملوث آئل کمپنیوں کے لائسنس منسوخ کرنے کا عندیہ دیا ہے۔

وزیراعظم عمران خان کی زیر صدارت وفاقی کابینہ کا اجلاس ہوا جس میں پٹرولیم بحران سے متعلق تحقیقاتی رپورٹ پیش کی گئی، ایڈیشنل ڈی جی ایف آئی اے نے پیٹرول کمیشن رپورٹ پر کابینہ کو بریفنگ میں بتایا کہ آئل کمپنیوں نے 26 روز تک پیٹرول کی سپلائی روکے رکھی، آئل مارکیٹنگ کمپنیوں نے پیٹرول ذخیرہ کیا جس سے بحران پیدا ہوا اور پیٹرول بحران سے عام صارفین کو 7 ارب روپے کا نقصان ہوا۔

وفاقی کابینہ میں انکوائری کمیٹی کی سفارشات پر طویل بحث کے بعد وزیراعظم عمران خان نے انکوائری رپورٹ کی سفارشات کا جائزہ لینے کے لیے 3 رکنی کمیٹی قائم کردی ہے جس میں شفقت محمود، شیریں مزاری اور اسد عمر شامل ہیں، انکوائری رپورٹ پر کیا ایکشن لیا جائے، اس پر 3 رکنی کمیٹی سفارشات تیار کرے گی۔

اس خبر پر اپنی رائے کا اظہار کریں

اپنا تبصرہ بھیجیں