7

ہر گھنٹے میں 7 شہری لٹنے لگے، نومبر میں لوٹ مار کی 5375 وارداتیں

کراچی: شہر میں ہرگھنٹے کے دوران7 شہری ڈاکوؤں اور اسٹریٹ کرمنلز کے ہاتھوں لٹنے لگے۔

سٹیزن پولیس لائژن کمیٹی نے ماہ نومبر میں ہونے والے جرائم کے اعداد و شمارجاری کردیے ہیں۔ رپورٹ میں بتایا گیا ہے کہ نومبرکے مہینے میں شہر قائد میں اسٹریٹ کرائم کی مجموعی طور پر 5375 وارداتیں رپورٹ ہوئی ہیں۔

رپورٹ کے مطابق شہر میں یومیہ کم و بیش179 اور ہرگھنٹے کے دوران 7 اسٹریٹ کرائم کی وارداتیں رپورٹ ہوئیں، رپورٹ میں بتایا گیا ہے کہ سب سے زیادہ موٹرسائیکل چوری اور چھینی جانے کی 3172 وارداتیں رپورٹ ہوئیں۔ دوسرے نمبر پر شہریوں کے ہاتھوں سے ان کے 1843 قیمتی موبائل فون چھین لیے گئے۔
رپورٹ کے مطابق نومبر میں شہر کے مختلف علاقوں سے 14 گاڑیاں اسلحہ کے زور پر چھینی اور 141 گاڑیاں چوری کرلی گئیں جبکہ پولیس ان میں سے صرف 33 گاڑیاں ہی برآمد کرسکی۔

کیٹاگری میں : Crime

اس خبر پر اپنی رائے کا اظہار کریں

اپنا تبصرہ بھیجیں