12

بلوچستان: زمین کے تنازع پر 2 گروہوں میں فائرنگ سے 6 افراد جاں بحق

بلوچستان: ضلع کچھی کے علاقے لنڈی کھوسہ میں زمین کے تنازع پر 2 گروہوں میں فائرنگ کے نتیجے میں 6 افراد جاں بحق جب کہ 5 افراد زخمی ہوگئے۔

ڈپٹی کمشنر کچھی مراد خان کاسی نے بتایا کہ کچھی کے علاقے لنڈی کھوسہ میں زمین کے تنازع پر 2 گروہوں میں اچانک فائرنگ کا تبادلہ شروع ہوگیا جس کے نتیجے میں 6 افر اد جاں بحق اور 5 زخمی ہو گئے۔

واقعہ کی اطلاع ملتے ہی ضلعی انتظامیہ موقع پر پہنچ گئی اور 2 طرفہ فائرنگ بند کراکے حالات قابو میں کرلیے جب کہ موقع سے 4 افراد کو بھی حراست میں لے لیا گیا۔

ریسکیو اہلکاروں نے لاشوں اور زخمیوں کو سبی اور ڈھاڈر کے اسپتالوں میں منتقل کردیا۔

اس خبر پر اپنی رائے کا اظہار کریں

اپنا تبصرہ بھیجیں